Liverpool in Bundesliga club RB Leipzig atangin Pound maktaduai 60 in midfielder Dominik Szoboszlai chu an lalut fel.
Hungarian playmaker hi kum nga contract an ziahpui a. A contract a leichhuah theihna an neih chu Zirtawpni khan ngamin tun nipui a an player lakluh pahnihna ni turin an lalut.
Argentina international midfielder Alexis Mac Allister an lakluh hnuah Szoboszlai hi an lalut a, work permit a tihfel an la nghak.
Kum 22 mi hi tunhnai season hnih chhunga RB Leipzig in German Cup an chawina kawngah mi pawimawh a ni a. “Club ropui tak a ni a, player tha awmna, coach tha hnuaia khel an ni.”
“Ka tan hmalam panna club tha tak a ni a. Fans te bakah stadium ropui an nei a, engkim hi ka tana duhthusam a ni.” tiin Szoboszlai chuan a sawi.
Tun season liamta khan Bundesliga bikah vawi 31 inkhelin goal ruk a khung bakah midang goal khung tur vawi 8 a siamsak a. Kum 2021 January khan Austrian club Red Bull Salzburg atang RB Leipzig hi zawmin an tan inelna hrang hrangah match 91 khelin goal 20 a khung tawh.
Reds hian an midfield tihchak tumin hma an la zel a, Southampton midfielder Romeo Lavia nen sawizawm an ni bawk.