Newcastle United chuan AC Milan atangin Italy midfielder Sandro Tonali an lalut.
Kum 23 mi hian Magpies hnenah hian kum nga contract a ziak a. Eddie Howe-a’n tun nipui a player a lakluh hmasak ber niin UEFA Champions League a kir leh turin a team a buatsaih.
Tonali man hi Pound maktaduai 55 vel nia ngaih a ni a. Hei hian Italian footballer manto ber a nih tir.
AC Milan in kum 2021-22 season a Serie A champion an nihna kawng a mi pawimawh a ni a, tun season liamta khan Milan hi UEFA Champions League semi-final a hruai thleng.
Italy senior team a vawi 14 inkhel tawh Tonali hi tuna Under-21 European Championships khelh mekah Italy squad-ah ko a ni bawk.
Newcastle head coach Howe chuan, “Player talent tha bik nei, rilru puitling tak pu a ni bawk. Thahrui a ngah a, technical skill-ah a sang a, kan team-ah mi tangkai tak a ni ang.”
“Kum 23 mi chauh a ni chungin Europe a league lian a mi pawimawh a ni tawh a, Champions League tawnhriat a nei tha tawh bawk.” tiin a sawi.