Aizawl: Nimin khan Zawlnuam leh Zamuang panna kawngah lirthei inpelsual avangin chetsualna a thleng a, mi pakhatin nunna a chan.
Zawlnuam atanga thudawn danin, nimin chawhmah dar 11 bawr vel khan Zamuang kawng Luitethiang phei kawiah Bike MZ08 3142 chu a bula tlan te leh pekh a tumna lamah chesualin an lam pana tlan Truck Balu phur full load hnuaiah a in bar lut a, Bike khalhtu zawk M.S Sangzela S/O Lalnunthanga (L) Zawlnuam Vengpui hi truck hian a lu-ah a chil a, a hmunah a boral nghal a, a phurh chuan hliam na vak lo a tuar thung.
Truck driver hi Ruata, Kanhmun khua niin pa fel tak nia sawi a ni a, a sawi dan chuan bike-in tlan pelh a tumna lai hi kawng kawi a ni a, hma lamah scooty lo tlan thla nen an insut hlauin tlan pel lo turin phar chhuakin hand signal pawh a pe a, mahse Bike chu tlan luiin a lirthei khalh hnuaiah chuan a inbarh lut ta a ni.
Chhiatna thlenna hmunah hian Police te thleng nghalin thil awmdan an enfiah hnuah ruang hi an khua Zawlnuam panpui a ni a, postmortem a nih hnuah vawiinah vui a ni ang.