Bayern Munich chuan a vawi hnihna atan Tottenham atangin England striker Harry Kane, 29, chu lakluh tumin an dawr leh dawn. (Sky Sports Germany)
Manchester City in Croatia defender Josko Gvardiol, 21, lalut turin RB Leipzig inbiakna neihpui tan an tum. (ESPN)
Liverpool leh England midfielder Jordan Henderson, 33, bakah Chelsea leh Gabon striker Pierre-Emerick Aubameyang, 34, te chu Saudi club Al-Ettifaq in manager atan Steven Gerrard an rawih hnuah lakluh an tum. (Daily Mail)
Paris Saint-Germain chuan Chelsea, Liverpool leh Manchester City te chu Celta Vigo atang Spanish midfielder Gabri Veiga, 21, lakluhna tura chet khalh ngei an tum. (The Guardian)
Chelsea in right-back Tino Livramento, 20, la kir leh turin Southampton nen inbiakna an nei a, England Under-21s defender hi Saints in Pound maktaduai 38 man velah an ngai. (Daily Mail)
Liverpool chuan Chelsea chu Belgium midfielder Romeo Lavia lakluh tumnaah an tlan khalh tawh a, kum 19 mi man atan hian Southampton in Pound maktaduai 50 vel an beisei. (Talksport)
Arsenal pawhin West Ham atang England midfielder Declan Rice an lakluh fel veleh Romeo Lavia hi an ngaihven ve nghal dawn. (Times)
Manchester United chuan kum 25 mi England forward Marcus Rashford chu contract thar ziahpui an hnaih tawh hle a, Eintracht Frankfurt leh France forward Randal Kolo Muani, 24, bakah kum 20 mi Denmark striker Rasmus Hojlund te an la ngaihven ve zel bawk. (Daily Mail)
Arsenal leh Switzerland midfielder Granit Xhaka, 30, chuan tun karah Bayer Leverkusen Pound maktaduai 21.5 in a zawm ang. (The Sun)