Sawi kual duah pawh ngai lovin, ‘Taylor Swift’ tih hming hrim hrim hi brand a tling pha tawh. Tuna Eras tour a kalpui mek hi ticket pakhatah $200 chuang te a ni hlawm a, tour zawh meuh chuan $1.4 billion a sachhuak dawn, tihna a ni.
Kum 2018 khan Reputation tour hlawhtling rem rem tak a kalpui hnu ah ticket man hi a tito vak mai. Mahse, fan te’n an lei ngam em em tho.
Kum 33 mi hian March 17 atang khan Glendale, Arizon-ah tour khuh hawnna a nei a, August 17, 2024 hian London khawpuiah kharna a nei ang.
Eras tour show pakhat hi darkar 3 chuang awh a ni thin a, hla 44 zet chu act chi hrang 10-ah then vek a ni bawk.
Sum leh pai chungchangah Swift hian Eras Tour dates 22 tir lam atangin $Maktaduai 300 a zaichhuak hman niin, Pollstar-in a tarlang. Tour vawikhatah hian fan 54,000 velzet inlan ziah anga chhut niin, zankhat show atangin $Maktaduai 12 aia tam lalut ziah ang a ni bawk.
Live Music Trade publication chuan March 2024-a Singapore show-ah wift hian $Billion 1 a hlawhchhuak hman dawn a, August thlaa London khawpui Wembley Arena-a tour kharna a neih meuh chuan Eras Tour hian $Billion 1.4 a siamchhuak ang, a ti.
Tun dinhmuna tour sum lalut hnem ber record hi Elton John, ‘FArewell Yellow Brick Roud’ khan hauh mekin $Maktaduai 887 a zaichhuak thei a, hemi hma hian Ed Sheeran ‘Divide Tour’ khan $Maktaduai 776 siamin record hmasa ber a lo siam tawh a ni.