Wimbledon hmeichhe singles inelnaah a ni khatna a beisei loh result thleng zingah American tleirawl Coco Gauff tla chu a langsar.
Seeded number seven nihna changtu Gauff hian qualifier khelh ngai Sofia Kenin a hmachhawn a. 6-4 2-6 6-4 in a tlawm.
Kum 24 mi Kenin hi 2020 Australian Open champion a ni a. Nimahsela inhliam leh chawlh hahdam a duh avangin nikum khan hun tam zawk a inkhel lo.
Gauff hian a khingpui hi a awlsam lo tih a hria a, inkhel tan atangin a fimkhur. Nimahsela a tawpah erawh Kenin a chak zawk ta tho a ni.
Gauff hi All England Club-ah first round a paltlang zawh loh hmasak ber a ni a. Hetihlai hian world rankings a 128-na ni mek Kenin chuan hnehna chang a bul a tan thei chu a tan thil lian tak a nih thu a sawi.
“Ka tan chuan he hnehna hi a pawimawh a, ka tan kumin hi kum harsa a ni lova, ka inkhel tluang thei. Hei vang hian ka tan ‘comeback’ kum a ni thei dawnin ka ngai.”
“Kum bul ka tan chhe lova, ka inkhel pawh a tha thin hle.” tiin Kenin chuan a sawi.
Inkhel dangah seeded number one leh champion tura rin hlawh Iga Swiatek chuan 6-1 6-3 w in Zhu Lin a hneh.
Kum 22 mi hi kuminah pawh champion tura rin ber a ni a, nimahsela SW19-ah hian fourth round aia thui a la thleng ngai lo.
French Open leh US Open-ah a champion avangin kuminah grass court-ah pawh hlauhawm viau tura ngaih a ni.
Kum 43 mi American veteran Venus Williams chu Elina Svitolina nen an inkhelh laiin a tlu sual a, inhliam zui mahse inkhel tluan theiin 6-4 6-3 in a tlawm.