Minnesota Timberwolves chuan an All-Star guard Anthony Edwards chu an team banpui ni turin an chelh dawn a. Kum nga contract, NBA dan anga player naupang zawk ziahpui theih lian ber ziak turin an inrem.
Edwards hian ‘designated rookie maximum extension’ ziak thei turin a tlin a. He dan ang hian a kum nga contract hi Dollar maktaduai 260 man hu a ni ang.
Kum 22 mi Edwards hi 2020 NBA draft khan Timberwolves in an thlan hmasak ber a ni a. League-ah hma sawn hle in player naupang hmuhnawm ber pawl a ni mek. Tun season liamta kha a season thumna niin 24.6 points, 5.8 rebounds leh 4.4 assists average a nei.
NBA All-Rookie First Team-ah lang pha in nikum khan All-Star zinga tel tura thlan a ni bawk.
Timberwolves president of basketball operations Tim Connelly chuan an team innghahna tur a ni a, amaha innghatin team din an tum thu a lo sawi tawh.
Edwards hi tunhnai season hnih chhunga NBA player pount 1500 score tling chunga steal vawi 100 nei thei awmchhun a ni.