AZL: Mizo National Youth Front (MNYF) Vice President Zodinpuia chuan tun hnaia Mizoram Assembly Secretariat hnuaia thawktu lak danah MNF sorkarin inrawlhna leh mawhphurhna a nei lo niin a sawi.
Nimin khan MNF |halai headquarters hruaitute Falkawn-ah political training an nei a. He hunah thu sawiin Zodinpuia chuan assembly secretariat chhunga hnalak dan chungchangah eptu party pakhat, ZPM-ten thu awmzia hre lo leh rem leh rem loa MNF leh Mizoram sorkar an khak nghal ngawt chu sorkar kalphung an hriat lohzia an inpuanna mai a ni tih a sawi.
Zodinpuia chuan assembly secretariat-a hna lak dan hi India danpui Article 187-in a sawi angin assembly secretariat hian a hnuaia thawktu lakdan leh service chungchangah thuneihna tawp an nei tih sawiin, “Mizoram Assembly secretariat hnuaia thawktu lak danah hian MNF sorkarin inrawlhna leh mawhphurhna a nei lo,” a ti.
Chief Minister Zoramthanga kaihhruai MNF sorkar hian Mizo thalaite hmasawnna turin nasa takin ke a pen tih sawiin, “MNF sorkar hnuaia MPSC leh MSSSC-in hnalakna tam tak a kalpui tawhnaah sawisel tur a awm ngai lo,” MNF |halai Vice President-in a ti bawk.
MNF thalai hruaitu political training-ah hian MNF Vice President Vanlalzawma, Treasurer K.Vanlalauva leh Adviser Lalchhandama Ralte ten thu an sawi bawk.