Khawzawl District Hospital-a Remna Ni pual health clinic chu nimin khan Health Minister Dr R. Lalthangliana’n a hawng.
Health Minister chuan, doctor te’n an pisa chawlhah pawh chawl mang lovin an buai em em kara mipuite tana inentirna hun an hmang thei chu lawmawm a tih thu a sawi a. Khawzawl damdawi in chu district hospital nihna dik tak anga function-tir thuai an tum thu a sawi bawk.
H&FW Department buatsaih health clinic-ah hian DHME Joint Director Dr Lalthlengliani hoin Aizawl leh Champhai atangin doctor thiamna bik nei 10 chuangin damlote an en a. Khawzawl leh a chhehvel khaw hrang hrang atangin pantu an thahnem hle a. Damlo inentirte hi a thlawna damdawi pek an niin, damdawi man hi bialtu MLA, Dy Chief Minister Tawnluia ruahmansak a ni.