England leh Spain ten UEFA European Under-21 Championship final an khel dawn a. Nilaini zan semi-final ah an khingpuite lakah chiang takin hnehna an chang.
Batumi Arena a inkhelah England hian 3-0 in Israel an hneh a. Nottingham Forest midfielder Morgan Gibbs-White chuan first half-ah England goal hmahruai a khung a. Manchester City forward Cole Palmer chuan minute 63-naah an goal hnihna khungin substitute Cameron Archer chuan huntawp dawnah an goal thumna a khung.
England hian a tum thumna atan Euro Under-21 champion nih an tum dawn a, kum 1982 leh 1984 a zawna a champion hnuah an la champion leh lo.
An khingpui tur Spain te hi Euro U21 hnuhnung paruk atanga vawi thum champion an ni a. Final luhna kawngah goal 13 an khung tawh.
Ukraine hmachhawnin Abel Ruiz, Oihan Sancet, Antonio Blanco, Aimar Oroz leh Sergio Gómez ten goal an khung a, 5-1 in hnehna an chang.