World heavyweight boxing champion Oleksandr Usyk chuan WBO, WBA (Super) leh IBF title te humhim turin British boxer Daniel Dubois a hmachhawn dawn.
Kum 36 mi Usyk hian August 26 hian WBA in amah cho tura an chhawpchhuah hi mi 24,000 lenna Tarczynski Arena-ah ring chhung a luhpui dawn.
Kum 25 mi Dubois hi WBA (Regular) belt kawl mektu a ni a. Vawi 20 inhnek atang vawi 19 chak tawhin vawi 18 knockout in a chak tawh a, vawi khat a tlawm tawh.
Ukrainian boxer thiamna nei sang hian professional boxing-ah vawi 20 a inlan tawhah hnehna a la chang vek a, a title kawlte humhim tura ring a luh tum hnihna a ni ang.
“Fighter tha tak a ni a, zah pawh a phu. Mahse tun hi ka hun a ni a, khawvel barakhaihin tunge Daniel Dubois hi a nih ka lantir ang.” Dubois chuan a ti.