Congress party chuan NGO Co-ordination Committee-in Manipur Zohnahthlakte thlavang hauhna kawngzawh an huaihawt tur chu an thlawp tih sawiin, he kawngzawhnaah an party mi, a tam thei ang ber tel turin an ngen.
Zirtawpni MPCC OB chuan thutkhawm hmanhmawh an ko a. MPCC-in July 27, 2023-a ‘Sakhaw Zalenna Humhalhna & Zohnahthlak Unaute thlavang hauhna kawngzawh’ neih tura ruahmanna a siam tawh chu July 25, 2023-a NGO Co-ordination-in Mizoram puma ‘Zohnahthlak unaute thlavang hauh’ kawngzawh huaihawt a tum avangin hun remchang danga neih an rel.
Congress party-in NGO Co-ordination Committee ruahmanna hi ngai pawimawhin theihtawpa tawiawm an rel bakah kawngzawh ni hian Congress Bhawan khar a ni dawn tih an party mite an hriattir nghal a, kawng zawhnaah hian an party mi zawng zawng a tam thei ang ber tel turin an ngen nghal bawk.