Larsap Dr Hari Babu Kambhampati-a’n Pachhunga University College (PUC)-ah nimin khan Freshers’ Social leh Felicitation program- me a hmanpui a. He hun hi Vice Chancellor, Mizoram University Prof Dibakar Chandra Deka-a’n a hmanpui bawk.
Larsap chuan NIRF Ranked 34th college PUC chu an hlawhtlinnaah lawmpuiin, tunah chuan NE-a College tha berah chhal theih an ni mek, a ti a. Zirlai lut th- ar te chu College tha takah an luh theih ava- nga lawmpuiin, tum neia, an thil tum tihlawhtling tura suangtuahna nung nei turin a fuih.
Zirlai chhuak tate leh hengho zinga cha- wimawina dawngtute chu lawmpui bawkin, hmabak eng tak an nei thu te, Mizoram leh India tana tih theih an neih thu te a hrilh bawk.
Larsap chuan Mizo thalaite chu saptawng thiamsa an nih avangin midangte aiin hlawh- tlin theihna an nei tha hle nia a hriat thu a sawi a. Ram hmasawnna atan thil tul te ngaihtuah thiam tura fuihin Mizoramah hmasawnna lian tham tak tak thil pahnih – Railway line leh KM- MTTP avangin a lo thleng thuai dawn tih a sawi a. Mizo thalaite chu heng hmasawnna ruhrelin a rawn ken tur kawng tam takah din- hmun pawimawh chelh tu, thawktu leh neitu ni tura lo inpuahchah lawk nachang hre turin a chah.
New Education Policy in zirlaite hmasawnna atana skill development leh entrep- reneurship uar tura zir- na kalphung thar a si- am chu hmang tangkai turin a chah a. MZU ah innovation Hub a awm thu te, hman tangkai a nih theih dan te, entrepreneur an nih theih dan tur chungch- angte a sawi lang a. Entrepreneur ni tura z- irlai te a chah rual hian Mizoramah central welfare scheme leh social security scheme hrang hranga mipuite zirtirna pe turin Larsap chuan zirlaite chu a fuih bawk.
MZU VC Prof. Dibakar Chandra Deka pawhin PUC chu Mizoram University ta a nih thu sawiin, kum tam tak result tha an nei thei chu lawmawm a tih thu a sawi a. India rama college 3000 chuang zingah a tha ber 34-na a nih phak thu sawiin, tan la zual sauh sauh tur leh tun aia ranking tha zawka inhlangkai turin zirlaite, zirtirtute leh thawktute a fuih bawk a ni.
Session liam taah Zirlai tithe ber – student of the year award chu C.Biakthansanga in Governor hnen atangin a dawng bawk a ni.
Kumin hian PUC atangin UG stream hrang hrangah mi 914 in final semester examination an hmachhawn a, chung zinga zirlai 822 chuan pass in, pass percentage hi 89.93 a ni. Department hrang hrangah rank holder (top 10 a lang thei) mi 152 an awm a. MZU hnuai a rank holder ni thei percentage hi 59.84 a ni bawk.
Deptt. 16 atangin pakhatna ni thei (topper) mi 16, PUC hian a nei a. He hlawhlinna hi MZU hnuai a topper ni thei- awm zat atanga chhutin 59.25% lai a ni bawk.
Tun dinhmun ah UG course hrang hrang 23 leh PG course 5 zir theih a. Zirlai 3227 an ni a. Kuminah zirlai lutthar 935 awm tawhin, CUET hmanga lut te tan pawh admission la tih mek zel a ni bawk a ni.
Stream hrang hranga ti tha ber Proficiency Award dawngtute :
- Lenrual Hlui Award (topper in science stream): Jeffrey Vanlaltlana, Department of Biotechnology
- Khawtinkhuma Award (topper in Commerce stream): Lalrinzuali, Department of Commerce
- HK Bawichhuaka Award (topper in Arts stream): Lalduhsaki, Department of History
- A. Sawihlira Award (topper in Management stream): Esther Zonunsangi, Department of Management
- Dr H. Lallungmuana Award (Institution topper): Jeffrey Vanlaltlana, Department of Biotechnology