Aston Villa chuan German club Bayer Leverkusen atangin France winger Moussa Diaby chu an lalut.
Villa hian a man leh contract rei zawng hi puangzar lo mahse British chanchinbute chuan Pound maktaduaui 51 man niin an sawi a, an hnenah hian kum nga contract a ziak bawk.
Villa chanchin a player manto ber ni thin chu Argentina midfielder Emiliano Buendia a ni a, Norwich City atangin Pound maktaduai 33 in kum 2021 June thla khan an lalut. Hei hi Diaby hian a khum dawn a ni.
“Leverkusen a ka hun hman tawhte kha hlim takin ka thlir kir thei. Tunah erawh bung thar a ni dawn a, phur takin kan kai ang.” tiin Diaby chuan a sawi.
Kum 2019 khan Paris Saint-Germain atangin Diaby hian Leverkusen hi a zawm a. An tan vawi 173 inkhelin goal 49 a khung bakah assist vawi 48 a nei.
France tan kum 2021 khan inkhel tanin vawi 10 a inkhel tawh a. Tun nipuia Aston Villa in an player lakluh pathumna a ni.