Aizawl : Zirtawpni khan Govt Chaltlang Higher Secondary School 1st batch Silver Jubilee Organising Committee chuan Central YMA hnenah raltlan tanpuina hlanin, Zirlai Welfare hnenah zirlai naupang harsa puihna an hlan bawk.
Jubilee lawmna puala Central YMA hnena raltlan puihna’na a hlan hi Rs 20,000 niin, Zirlai Welfare hnenah school naupang harsa puihna’n Rs 30,000 a ni a. |anpuina sum an hlan te hi mi 123 thawh khawm a ni.
School Jubilee puala raltlan puihna petute hnenah hian CYMA President R. Lalngheta chuan, raltlan buaipuiin an buai thei ve hle tih a sawi a. Hetih lai hian Aizawl City Branch atangin puihna cheng nuai 57, Aizawl pawn atangin cheng nuai 1.5, mi tlawmngai hnen atangin cheng nuai 26 an hmuh tawh thu a sawi.
R Lalngheta chuan CYMA office-ah chhun leh zam zawma raltlante tana hmun ‘Transit Camp’ an siam bakah, district hrang hrangah puihna an pe chhuak reng tih a sawi bawk.
Central YMA President hian Aizawl bikah hian YMA Branch 12-in raltlan awmna an siam tih sawiin, BSUP Durtlang lamah dahkhawm tumin hmalak mek a nih thu a sawi bawk. Thawhlawm a lo lut zel a, hmun hrang hrangah hman chhuah zel a nih thu a sawi.
Silver Jubilee puala Organising Committee in Gov’t Chaltlang HSS naupang harsate puihna turin pawisa an thawh khawmte hi Gov’t Chaltlang HSS Principal leh Staff Welfare hnenah pawisa hi an hlan thung.