UFC heavyweight fighter Tom Aspinall chuan nikumah a khup a tihnat hnua cage a luh leh hmasak berah hnehna a chang a. Marcin Tybura lakah round khatnaah a chak.
Nikum July 23 khan English fighter Aspinall hian Curtis Blaydes hmachhawnin second 15-na velah a khup a ti na a, chhunzawm thei lovin Blaydes hi TKO in a chak.
Tun Pathianni zingah O2 Arena a UFC Fight Night main event-ah inlanin a khingpui heavyweight contender ni ve tho hi minute 1 leh second 13-naah a hneh a. A lu ah a ke dinglam a pet hnuah Tybura hi che buai in Apinall hian a kut dinglamin a hnek tlu a. Hnek chhunzawm zuiin referee Marc Goddard chuan a titawp.
Kum 30 mi 13-3 record nei Aspinall hi heavyweight rankings-ah 5-na a ni mek a, Ciryl Gane leh Serghei Spivac te intum a chak zawk hmachhawn leh a duh.