Aizawl : Mizoram DGP Anil Shukla chuan vawiina NGO Coordination Committee huaihawta Manipura Zohnahthlakte thlavang hauhna kawng zawh neih tur chu muanawm taka neih a nih a beisei thu a sawi.
Nimin khan Mizoram DGP thar Anil Shukla chuan Mizoram Journalists’ Association hruaitute chu a pisa-ah lengah sawmin an inkawm a. Mizoram tana rawng an bawlnaah MJA/Journalist te nen thawhhona tha tak neih a duh thu leh thawhhopuiah a sawm.
Anil Shukla chuan NGO Coordination Committee in vawiina Manpura Zohnahthlakte thlavang hauhna kawngzawh neih turah police lamin venhimna lam tha taka kenkawh an tum tih a sawi a. Mizorama Meitei awm haw duhte a tul anga venhimna an pek thu leh, Manipur leh Assam DGP te nen an inbe pawp reng tih a sawi.
Mizoram DGP hian Mizoram kaltlanga ruihhlo tawlh rukte tibo turin theihtawp an chhuah zel dawn tih a sawi bawk.
An inkawmnaah hian MJA chu an president C Lalrambuatsaiha hoin mi pakua an kal a ni.