China hmarchhak lama sikul gymnasium-a hmeichhe volleyball an awm laiin a chungin a chim hnan a, mi 11 an thi niin sorkar chanchinbuin a tar lang.
Tualchhung chanchinbuten thil thleng hmutute hnena atanga an dawn tanin naupang an thi nual a, finfiahna erawh a awm lo.
Nu leh pa mangang eng emaw zatin a bula damdawi inah an fate chanchin an ngaichang.
industry tamna, Heilongjiang province-a chhiatna thlengah hian gym chhunga mi 19 awm zinga pariat chauh an dam chhuak a ni.
Police chuan tual chhunga construction company hotute an man nghal niin tual chhung chanchinbute chuan an tar lang.
Gym bul chiaha in sak a nih laiin a chungah hian volcanic glass chi khat, dumping perlite an tiper nasa niin an puh.
Ruah nasa taka a sur hnuah mineral hi a inchiah zawp a, in chung hi Pathianni chawhnu dar 3:00 (India-a chhun dar 12:30) velah a chim ta a ni.
China National Radio-in a tar lan dan chuan middle school girls’ volleyball team coach chuan chhanchhuah hna thawktuten an thawh mawlh mawlh laiin a naute chu a lo ko mawlh mawlh a ni.
Nu leh pate chuan sikul thuneitute an dem a, chhanchhuah hna thawh a nih dan chu inhrilh mumal a awm lo niin an sawi a, Thawhtanni tuk thleng khan an thawk.
“Ka fanu chu a thi niin min hrilh a; mahse, ka hmu lo. Naupang an lak chhuahte chu chirh leh thisenin a tuam a, damdawi inah hruai zel an ni a. Ka fanu hi min hmuhtir rawh u,” tia a dil lai video chu social media-ah nasa taka thehdarh a ni.
In chim hi china-ah hian a tam hle a, hei hi a himna lam ngaihthah a nih vang leh enkawl uluk a nih thin loh vang a ni.
June thla pawh khan hmarthlang lamah barbecue restaurant puakin mi 31 vel an thi a. A chhuinaah chuan restaurant-a thawk pakhatin liquefied gas tank putah valve keh tawh a vuah tih hmuh chhuah a ni.
April khan Beijing khawpuiah damdawi in kangin mi 29 an thi a, dam chhuah tum eng emaw zat tukverh atangin an zuang chhuak.