Mipa tennis a world number two ni lai Novak Djokovic chuan thla thar a khelh tur Canadian Open a khel dawn lova, chawlh hahdam a mamawh avangin a inlan loh tur hi Toronto a inelna buatsaihtute chuan an sawi.
Kum 36 mi Serbian star hian kar hmasa khan Wimbledon final-ah world number one Carlos Alcaraz a hneh lova. A taksa a rim avangin chawlh hahdam rih a thlang.
“Canada-ah hian hun nuam tak ka hmang ziah a, mahse tun tum chu ka team nen kan sawiho hnuah thutlukna dik niah kan ngai.” tiin Djokovic chuan a tel loh tur chungchang hi a sawi.
Toronto hi thenkhatin thla thar a khelh tur US Open inbuatsaihna neih tan nan a an hman thin a ni a. Christopher Eubanks chuan main draw-ah Djokovic ai a luah ang.