Chelsea chuan an midfielder Conor Gallagher lei tuma West Ham United in an dawrna an hnawl a. Championship a tla thla Southampton pawhin Liverpool in Romeo Lavia lei dilna an hnar.
Hammers in England midfielder Conor Gallagher hi Pound maktaduai 40 velin lei an dil a, kum 23 mi hian kum hnih contract la neiin club in USA a pre-season inbuatsaihna an neihah a tel ve mek.
Chelsea academy chhuak hian season liamta khan Chelsea tan match 45 khelin goal thum a khung a. Blues hian an squad a awm turin duh mahsela contract thar an ziahpui theih dawn loh chuan hralh an pawi ti lo.
Liverpool pawhin an midfield tichak tur player an la zawng reng a, Pound maktaduai 37 in Belgium international Lavia lei an dilna chu Southampton in an hnawl.
Kum 19 mi hian Anfield pan a duh a, a club lam pawhin chhuahtir an pawi ti lo niin chanchinbuten an sawi. Nimahsela a manah hian Pound maktaduai 50 tal Saints hian an beisei a, Reds nen hian la indawr zel tura ngaih an ni.