Watford forward Ismaila Sarr chuan French club Olympique Marseille a zawm.
Kum 25 mi Sarr hian kum 2019 August khan French club Rennes atangin Watford hi a zawm a, an tan vawi 131 inkhel tawhin goal 34 a khung hman.
Watford chanchin a player manto ber niin Pound maktaduai 27 in Hornets hian an lalut a. Premier League-ah 2019-20 leh 2021-22 khan khelin club lian zawkte nen sawizawm a ni hman fo.
Tun season liamta khan Championship-ah Hornets tan hian vawi 39 inkhelin goal 10 a khung a. A man zat hi puanzar ni lo mahse kum khat chauh contract a neih tawh avangin Euro maktaduai 12 vel niin an sawi.
Ani bakah hian defender Christian Kabasele chu Watford hian Udinese hnenah an hralh ve bawk. Kum 32 mi Kabasele hian Vicarage Road-ah hi kum sarih chhung a inkhel hman a ni.