Nottingham Forest chuan Sweden forward Anthony Elanga chu Manchester United atangin kum nga chhung atan an lalut fel.
Kum 21 mi hian Old Trafford a chhuahsanna turin Forest hian a manah Pound maktaduai 15 an seng.
Elanga hi United-ah hian kum 12 mi a nih atangin a awm tawh a, kum 2021 khan first team tan inkhel tanin an tan vawi 55 a inkhel tawh.
“Ka tan helai hmuna lo kal theih hi thil lawmawm tak a ni a, kei chauh ni lo ka chhungte zawng zawng tan pawh thil ropui tak a ni.”
“Ka nunah bung thar lian tak a ni a, City Ground-ah Forest tantute hma a inkhelh hlan ka nghakhlel tawh hle. Hmun dang atang pawhin min ngaihventu an tam a, mahse Nottingham Forest hi ka tana kalna tur tha ber niin ka hria.” tiin a sawi.
Elanga hi Forest in tun nipui a player an lakluh pahnihna a ni a, defender Ola Aina an lalut tawh.
United tan season liamta khan vawi 26 inkhelin goal a khung miah lova, inkhel bul tantu zingah vawi sarih chiah a tel a ni.