Aizawl : Champhai Dist Bharat Scouts & Guides Executive Meeting nimina Dist President, Baw- rhsap ni bawk James Lalrinchhana hova thutkhawmah Commissioner thar te lawmluh an ni.
Bharat Scouts & Guides Cha- mphai Dist President chuan Sc- outs & Guides member-te law- mna thu sawiin, tunhma atanga tun thlenga Champhai Dist-a Scouts & Guides khaidingtute chhuanawm a tih thu a sawi a. Zirna hmanga mi tha leh fel, ram leh hnam tana chhawrnahawm chher kawngah leh khawtlanga harsatna awm te buaipui kawngah Scouts & Guides inzirtirnain awmze thui tak a neih thu a sawi.
Member thar lawmluhte chu an thutiam te tha taka chhawmnunga, Scouts & Guides movement-a theihtawp chhuaha tel tur leh thil tha ti tura inpekna tak tak thinlung pu turin a fuih a. Scouts & Guides inthuamnate ngai pawimawh tur leh chhuang taka ha thin turin a chah bawk.
Scouts & Guides Champhai Dist President chuan hripui leng avangin engemawchen Scouts & Guides movement a khaihlak thu leh hmasawnna kawngah nghaw- ng nasa tak a neih thu a sawi a. Champhai Dist-ah tuaithar leh tum a nih thu sawiin, “vawiin hi a bultanna a ni”, a ti a. Tawnhriat ngah tak tak an nei lawmawm tiin phurna nasa tak a pek thu a sawi.
Khawvel huap movement ropui a nih thu sawiin, tum ropui a nei a, midang tan malsawmna ni tura inthununna, rinawmna, taimakna, kawm nuam leh nela- wm, hun hmanthat, zahawmna leh mamawh huna fim taka che thei tura inpuahchahte chu a kentel pawimawh tak a ni, a ti bawk.