Rural Development Minister Lalruatkima’n “India ram chu mipui sorkarna, inthlang ram a nih ava- ngin saorkar chak nei turin policy leh sorkar kal dan tur duangtu Legislator-te leh dan leh hmachhawp duansa bawhzuitu – executive ten an mawhphurhna theuh chak taka an bawhzuia, an tanrual a pawimawh” a ti.
Block Development Officer-te tana ni li awh Refresher Training Course, SIRD& PR, Leitan a buatsaih nimina a hawnnaah he thu hi RD Minister chuan a sawi a. BDO te chu training hlawkthlak tak an neih a duhsak thu leh mipui raw- ngbawltu hna thawk an nih hre rengin an thiamna chu ram in hmasawnna rahbi a rah the- ihna atan hman ngei tu- ra a beisei thu a sawi.
RD Minister chuan training tura kalkahwmte chu sorkarin policy a duan leh hma- chhawp tam tak a siam te hlawhtlinna atana kut leh ke ber an nih avangin an mawhphu- rhna pawh a san thu a hrilh a. Sorkar hna- thawk tam tak chu rinawm tak, hnaah pawh inpe tak leh taima tak awm mahse. tam tak chu an pension hun nghak ringawt leh sum hmuh na atana hmang ringawt an awm thu a sawi a. Rinawm taka thawktu nih chu tum ngei turin a chah.
Lalruatkima chuan BDO kalkhawmte chu Conduct Rules leh sor- kar hnathawk kaihhruaina dan hrang hrangin a sawi te zawm tlat tum tura chahin, mipui rawngbawltu – Public Servant an nihna anga mipui tan harsatna sia- mtu ni lova, mite tana malsawmna nih tum tur leh mipui rin ngam ni turin a chah a. An nungchang pawh uluk a pawimawh thu a sawi.
Sorkar hanthawk chu mahni tan chauha thawk ni lovin ram leh hnam tan a thawk an nih thu hriat reng a pawimawh thu a sawi a. Office-a anmahni dawrtute chu hawihawm tak leh biak nuam taka lo dawr tura chahin, sorkar tana theihtawp chhuah leh rinawm taka thawk turin a chah.
An hnathawhna kawngah hotute tlawn ching nilo tur leh mi tlawn ringawta hma- nhlel ni lo tura hrilhin, RD Minister chuan transfer chungchangah pawh hotu ten an tihna hmun apiangah lungawi taka awm tum tur a nih thu a hrilh bawk.