Uruguay striker Edinson Cavani chuan Argentina club Boca Juniors chu Valencia chhuahsanin a zawm.
Cavani hian Spanish club a contract a neihlai tihtawp a nih hnuah Boca hnenah hian thla 18 contract a ziak.
Nikum nipui khan Manchester United a chhuahsan hnuah kum 36 mi Cavani hian June 2024 thleng contract Valencia-ah hian a ziak a. Season liamta khan Los Che tan hian vawi 28 inkhelin goal 7 a khung.
Valencia hi tun season liamta khan La Liga relegation zone chu point hnih chiahin season a zawhin an hlat a. Kum thum chhungin manager pasarih an nei hman a, tun nipuiah an squad tha zawka siamrem an tum.
Cavani hian kum 2007 khan a chawr chhuahna club Danubio chhuahsanin Palermo a zawm a. Napoli leh Paris Saint-Germain tante pawh a khel tawh.
Uruguay tan la khelin an ram tan hian vawi 136 a inkhel tawh a, goal 58 a khung tawh.
Boca hi kum 2022 league title la an ni a, mahse tun season-ah pariatna an ni mek.