Aizawl : Aizawl North I bialtu MLA Vanlalhlana’n a bial chhung Chaltlang-a MUP RÛN thar chu Inrinni khan a hawng.
Vanlalhlana chuan Chaltlang Upa pawl ten mahni puala building tha tak an nei thei chu a lawmpui thu sawiin, chumi atana a kila mi tangkai a lo ni ve thei chu a lawm thu a sawi a. Mamawh tam tak an la neihah te pawh theihtawp chh- uahpui zel a inhuam thu a sawi bawk.
Upa te a zah thu leh anni nen thawhhona tha tak an neih tawh chu chhawmnung zel tura sawmin, Vanlalhlana chuan “ramin inthlanpui a hmachhawn mai turah pawh upa ten mawhphurhna sang tak kan nei a, eiruknain ram a tihchhiat nasat avang leh hemi dova sorkar ṭha mipui sorkar, kalphung thar din ngei turin upate thawhho puiah ka sawm a ni” a ti.
Chaltlang MUP Rûn hi MLA fund Rs. 9, 50,000 leh MUP te sum hmanga sak niin, a dung 39 ft leh avang 17 ft a zau a ni.
Inrnni vek khan YMA Durtlang North Branch-in MLA fund Rs. 6,50,000 leh vengchhung mi ṭhahnemngai te thawh- khawm hmanga Thl- anmual In an sak pawh bialtu MLA Vanlalhlana chuan a hawng bawk.