Aizawl: MJA General Headquarters hruaitute chu Aizawl DC thar, Nazuk Kumar-i’n a sawm angin nimin khan DC pisaah an inkawm.
An inkawmnaah MJA hruaitute hian bawrhsap chu MJA dinhmun leh Mizorama chanchinbu leh TV channel-te dinhmun tlangpui te, MJA hmalak meknate an hrilh a; Aizawl district hmasawnna tura hna a thawhnaah an tih theih chin apiangah thawhpui zel an inhuam thu DC thar an hrilh.
Bawrhsap Kumar-i pawhin IAS officer a nih anga hna a thawh tawhnate a sawi a; MJA leh journalist-te nen thawhhona tha tak an neih a beisei thu sawiin, thawhpuiah a sawm.
Inkawmhonaah hian MJA Gen.Hqrs president C Lalrambuatsaiha hoin general headquarters office bearer-te leh president hluite an tel.