Colombia in hmeichhe football a world number two ni lai Germany an barakhaih a, 2-1 a hnehna changin Group H-ah hma an hruai.
Sydney Football Stadium a group inkhel pawimawhah huntawp dawnah Manuela Vanegas chuan Colombia chakna goal hi a tauh lut a. Tleirawl beiseiawm Linda Caicedo goal mawi hmanga hma an hruai chu German striker Alexandra Popp chuan a sut a. Mahse a tawp thlengin Germany an chesual.
Group A lamah Switzerland in New Zealand laka point an hmuh avangin knockout stage an lut. Goal inpe lova inhnehtawkin a thlengtu New Zealand erawh an tling zo lo.
Inkhel dangah Norway in 6-0 in Philippines an hneh a, anni pawh Group A atangin an tling.
Sophie Román Haug chuan hattrick a siam a, Caroline Graham Hansen leh Guro Reiten ten goal dang khungin own goal an nei bawk.