Aizawl: Chief Minister Zoramthanga hovin nimin khan Council of Ministers chuan sorkar department hrang hrang atanga thu pawimawh ngaihtuahin an thukhawm.
CM Cabinet meeting room-a Council of Ministers thukhawm chuan CSS hnuaia hnathawkte dinhmun zirchiang tura sorkarin a ruat, study group rawtna an pawm a, a tahtawla sorkar an luh theih nan special scheme siam an rem ti a. New Education Policy 2020-in a duh dan angin state university neih ve theihna tura hmalak ni se tia chhawpchhuah chu an pawm bawk.
Council of Minister thukhawmin an pawm zingah Mizoram State Medical Rules, 2013 siam that rawtna te, Mizoram Protection of Interest of Depositors (in Financial Establishment) Rules, 2023 hman rawtna te, The Mizoram Goods & Services Tax (Amendment) Bills, 2023 hman rawtna te, Mizoram Rights of Children to Free & Compulsory Education Rules, 2011 hman rawtna te, Aizawl Municipal Corporation Building (Amendment) Regulation te, Mizoram Municipalities (Amendment) Bill, 2023 te, Mizoram Consumer Protection (State Council & District Council) Rules, 2023 hman rawtna te, Directorate of Nursing siam rawtna te, Pharmacy Practice regulations, 2015 hman rawtna te, Draft Rules of Zoram Medical College te, Mizoram Health Services and Grievances of the Mizoram Government Doctor Association leh Draft of the Mizoram telecom Infrastructure (Amendment) Policy, 2023 te an pawm a ni.
Council of Minister thutkhawmah hian Minister 12 te an tel kim a ni.