Mizoram Journalist’s Association (MJA) Hnahthial District chuan hmun danga insawn tur SDO Sadar Lalremruata Sailo chu thlahna hun SDO Sadar office chamber-ah an hmang a, ngaihhruina thilpek an hlan.
Thlahna inkhawm hi F. Zosangliana, President, MJA Hnahthial District in a kaihruai a, thu sawiin MJA te hian officer nazawng an thlahin ngaihhruina an hlan ngai lo, MJA te duhsak a, an tana tha tur ngaihtuah sak tute, an hna thawhna kawnga mi rinawm leh dik, eirukna leh hlemhletna kawnga fihlim ni a an ngaihte chauh an thlah thin a, an thlah te hi chu khawtlang mipuite pawhin awm min tihpui hle thin thu a sawi.
Lalremruata Sailo pawhin MJA ten amah thlahna hun an hmang chu lawmawm a tih thu leh phu lo a intih thu a sawi a, sorkar hnathawk an nih angin hmun dangah a insawn ve dawn ni maia a inhriat thu leh hna a thawhna kawngah khawtlang leh ram tan theih tawp chhuaha a beih thin thu te, sorkarin hlawh tha tak a pek avanga sum leh pai, therhlo dang a rilru-ah a ngaihtuah ngai loh thu sawiin chu chuan hlimna pawh a pek thin thu a sawi bawk.
He hunah hian MJA member dangte pawhin SDO Sadar uina thu an sawi hlawm a ni.