Eras tour ngan tak mai kal zelah Taylor Swit fan te chuan Lumen Field, Seattle-ah show neih laiin lir a nghing dat dat niin, an sawi.
Zan hnih zawna show neihnaah authawm nasa tak, lam suau suau leh zuang dawrh dawrh an tam bakah boruak a kal fuh nasa mai si a, lei lam chetna mak tak mai, lirnghing dat dat nia hriat chu an hre deuh vek niin, CTV-in a tarlang.
Seismologist Jackie Caplan-Auerbach pawhin helai bial vela leilung chet dan a zirchiannah thil mak leh danglam tak thleng ngei tih a pha lo.
Swifties (fan te) hian lirnghing nat zawng 2.3 vel an thlentir ngei tih a sawi a, ‘Swift Quake’ tia hming puttirna ang deuh tho hian 2011 pawh khan Seattle Seahawk game-ah khan a lo thleng tawha bawk.
Hemi tum hian a chhunga pungkhawm fan te an che nasa hle a, hlim leh lawm vanga zuang dawrh dawrh vek an nih vangin ‘Beat Quake’ tia hriatlar, lirnghing te-nau hriat chian theih em em ni bawk si chu mak angreng takin a thleng.
Taylor Swift concert-ah CNN reporter pakhat pawhin zan khatnaa chhimin, a hmun thil thleng leh awmdan chu rinphak bak a ni a, fan te an phurin, an zuang dawrh dawrh hlawm a, heti ang thil hi a vawikhat tawnna ni hialin a sawi.