Thla hmasaa bacteria infection vanga thi mai tura an inngaih fel hnu-a a damchuak leh chu vanneihna tawpkhawkaah ngaiin, a chhungte leh thianthate support-naah Madonna-i’n lawmthu a sawi.
Queen of Pop hian ICU-a hun harsa leh khirh tak a hman lai khan a dam lai ni chu chhiar zawh a ni mai dawna hriatna lian tak neiin, a rilru pawh a mangan hman viau.
“Hun khirh tak karah ka fate hmel ka hmu thei reng a, chu ringawt pawh chuan danglamna nasa tak min thlen a ni,” a ti.
Kum 64 mi hi ICU-ah ni eng emawzat enkawl a ni a, dam lam panna kawng a zawh pawh a awlsam lo hle.
Ruahmanna a lo siam lawh tawk, thla sarih awh tur world tour pawh a dam lohna vang hian sawnhlat vek a ni.