ZPM party chuan kumina MLA inthlanpui neih tur atana bial 39-a candidate tur an puan tawh zinga mi pahnih chu hrisel lohna avanga an theih loh tur thu an thlen avangin an ai tur mi pahnih an ruat.
Nimina ZPM Nomination Committee thukhawm chuan Serlui biala an candidate atana an puan tawh, Jimmy Laltlanmawia, Bethlehem Vengthlang, Aizawl aiah C Lalthanfela, Zotlang, Aizawl an ruat a. Champhai North biala candidate tura ruat, Dr B Lalramzauva, Zarkawt Veng, Aizawl aiah Er. Ginzalala, Hunthar Veng, Aizawl an ruat bawk.
Bial pahniha candidate tura ruat hmasakten mi mal harsatna avanga an phat avanga candidate hi siam rem an nih thu ZPM party thuchhuah chuan a sawi.
Tar lan tawh thin angin, ZPM party chuan MLA inthlanpui neih tur atana an party ticket-a ding tur mi 39 hming an puang chhuak tawh a, bial khat, Tuichawng biala ding tur erawh an la tifel lo thung a ni.