Aizawl: Horticulture department chuan Mizoram chhunga horticulture tihhmasawnna tura hna a thawh that avanga lawmman an dawn nimin khan an lawm.
July 20-23, 2023 chhung khan Pragati Maidan, New Delhi-a International Agriculture & Horti. Expo 2023 & Govt. Achievement and Schemes Expo 2023 neih a ni a. He expo-ah hian Department of Horticulture, Mizoram chu 1st Prize Award hlan a ni. Mizoram chhunga Horticulture tih hmasawnnan a thawh that em a vangin he lawmman hi hlan a ni.
He International Agriculture & Horti. Expo 2023 Horticulture Department aiawh a kalte hian Mizoram thar Dragonfruit 80 kgs an keng a, he’ngte hi Mizoram House, New Delhi atangin Central VVIP (President, Prime Minister, Home Minister) te bakah state dang dang Bhavan-ahte thar tem nghe nghe.