Aizawl : Lunglei Police Station building (ground floor) thawmthat chu nimin chawhma khan HPC, Lunglei Vice Chairman Lawmawma Tochhawng-in a hawng.
Lunglei Police StationBuilding thawmthatna sum hi Lunglei High Powered Committee (HPC) fund ata- nga ruahman a ni a. Ground floor leh 1st floor thawmthat nan Rs. nuai 15 ve ve ruahman a nih thu sorkar thuchhuahin a tarlang a. Kum 2022-2023 fund-in tuna hawn tak hi siam a ni a. 1st floor thawmthatna tur pawh 2023-2024 atan Rs. nuai 15 sanction tawh niin, Police department ten thawmthat hna an thawh theih ve leh hna tan theih tawh a nih thu sorkar thuchhuah chuan a tarlang.
Lunglei Police Station building hi kum 1991 a sak tawh kha a ni.
HPC Vice Chairman Lawmawma Tochhawng chuan Lunglei Police station chu India ram pumah Police station tha ber nihna chelh mektu a nih thu sawiin, tehna hrang hrang hmanga teh a nih hnuah India ram pumpuia tha ber nihna hauh thei Police Station, Mizorama Police Station building tha ber ni tura thawmthat a ni chu a nihna (best) nen pawh a inhmeh hle a ni, a ti. Lunglei Police te chu an hna huamchhung traffic management bikah India ram puma tha ber nihna chelhtu nih tum leh turin HPC Vice Chairman Lawmawma Tochhawng chuan a chah bawk.