Kaladan Multi Modal Transit Transport Project in a tihchhiat ram neitu intelkhawmten zangnadawmna an hmuh theih loh vanga thuneitute an nawrna kal mekah nimin atang khan tiam chin awm lovin Mizoram sorkar hnuaia Dy. Conservator of Forest, Chhimtuipui Wildlife Division Office Environment, Forest & Climate Change, Lawngtlaia mite pisa kai tur chu an dang.
Lawngtlai District Land Owners Association President T.Zatlunga chuan KMMTTP kawngpui km 88-a thuiah forest department chuan km 80 vel zel chu an ram angin an chhal tih sawiin, hei hi a dik lo tih Guwahati High Court pawhin tichiang tawhin ACB lam pawn an lo chhui chiang tawh a ti.
Nimina KMMTTP a ram neitu intelkhawmten state sorkar hnuaia forest office an dannaah hian magistrate leh police-te an duty a, office kai luih tum an awm lo va, boruak duhawm lo thleng hriat tur a awm lo.