Aizawl: Mizoram chhunga Assembly Constituency 40 atan nimin khan district 11-ah Draft Electoral Roll, 2023 tlangzarh a ni.
Draft Electoral Roll, 2023 tlangzarha a lan danin, Mizoram pumah service voter tel lovin vote nei mi 8,38,039 an awm a, chu’ng zingah voter 4,06,747 chu mipa niin, hmeichhe voter 431292 an awm thung a. Mipa aiin hmeichhe voter 24,545-in an tam zawk.
Vote tam berna Aizawl district ah mipa voter 1,31,867 an awm a, hmeichhe voter 1,49,325 awmin an vaiin voter 2,81,192 an awm a. Voter tlem berna Hnahthial district-ah vote 15,875 awmin, chu’ng zingah mipa 7,857 leh hmeichhia 8,018 an ni.
Kolasib district-ah voter 62,659 (mipa 30,295, hmeichhia 32,364) an awm a. Champhai-ah voter 56,438 (mipa 27,560, hmeichhia 28,878), Serchhip-ah 53,813 (mipa 26,118 leh hmeichhia 27,695), Lunglei-ah 98,516 (mipa 48,841, hmeichhia 49,675), Lawngtlai-ah 89749 (mipa 44,846, hmeichhia 44,903), Siaha-ah 43,569 (mipa 21,192, hmeichhia 22,377), Saitual-ah voter 55,100 (mipa 27,326, hmeichhia 27,774), Khawzawl-ah voter 17,440 (mipa 8,690, hmeichhia 8,750) an awm a ni.
Tun dinhmunah Mizoram pumah Service voter mipa 4,932 leh hmeichhia 89, a vaiin 5,021 an awm mek a. Tunah hian Mizoram pumah Polling Station 1,276 a awm mek bawk.