Mara Autonomous District Council (MADC) a EM i/c Land Revenue & Settlement Department etc., K Hrahmo chuan nimin khan MADC Art & Culture Department Museum a dah tur silai chu a pisa-ah Nazee Khailah, Art & Culture Promotion Officer, MADC hnenah a hlan.
Silai inhlanna inkhawmah K. Hrahmo chuan a silai hlan chu kum 11 kalta a Beino-Locheita motor kalkawng a laih tir vanga Locheita khaw mipui ten lawmthu sawi na’na an pek a nih thu sawiin, “He silai hi Mara chi leh kuang tan thil hlu tak a nih vangin MADC Museum a dah tur hian ka hlan a ni,” tiin, an pi leh pute hun laia Mara thil hlui te thangthar te’n an hriat leh an hmuh ve theih tura khawnkhawma Museum-ah dah zel turin a chah.