Rapper Cardi B-i’n concert chhimtu mipui zinga tel ve pakhat chu dawhsan atanga mic-a a vawm video darh hnuk hu-ah police-in an chhui zui nghal.
Las Vegas Metropolitan Police Department chuan thawhlehni khan hmeichhe pakhat hnen atangin complaint an dawn thu an tarlang.
“A tuartu nia insawi hnen atanga kan hriat danin, July 29, 2023 khan 3500 block, Las Vegas Boulevard-a puipunna hmun pakhata a awm laiin, stage atanga vawm chhuah thil (object) chuan na takin a fuh,” tiin thuchhuah an siamah an ziak lang.
Police thuchhuah hian hming hmerin Card Bi an ziak lem lo na a, thil thlen hun leh Ni bakah a hmun tarlan dan atang hian a show neihna ni ngeiin a hriat theih.