AIZAWL: Rural Development Minister Lalruatkima’n a MLA fund hmanga siam, Rs nuai 3.5 senga chei that, Dawrpui Vengthar YMA Committee Room leh Rs nuai 3.5 senga Nadminton carpet phah thar a hawng.
Thawhlehni tlaia hawnna hun hman zawhah YMA Committee Room-ah Local Council, YMA hruaitute, Badminton Club hruaitute leh khawtlang hruaitute nen inkawm hona hun hman a ni a. He hunah hian Minister Lalruatkima chuan, “YMA awm ta lo ila hmeithai leh pachhia te tan a rapthlak hle ang. Khawtlang pa nih tling, ram leh hnam pa nih tling YMA kan nei hi a lawmawm tak zet a ni,” a ti.
Bialtu MLA ni bawk Lalruatkima chuan, “Zawlbuk kan neih tak loh hnuah kan institution pui ber chu YMA a lo ni ta a. Eizawnna avangtein kan nunphung nasa taka a danglam tawh chungin YMA-in veng hrang hrangah inkaihhruaina dan kan la nei a, a tha hle a ni,” tiin YMA ropuizia hi mi tam takin an la hmu thiam lo zawk nia a hriat thu a sawi.
Lalruatkima chuan YMA-in Myanmar, Bangladesh leh Manipur atanga Zo hnahthlak unau raltlante a lo chhawmdawl dan chu lawmawm a tih thu a sawi bawk
He inkhawm hi Dawrpui Vengthar YMA President Dr Lalrinawma Hnamte in a kaihruai a ni.