President Droupati Murmu-i chuan Tamil Nadu-a ni nga châm turin Thawhtanni chawhnu khan Chennai a thleng.
Kovind-a hi thlawhna tumhmunah Governor Banwarilal Purohit, Chief Minister MK Stalin leh sorkar hotu pawimawhten an lo hmuak.
President Kovind hian Thawhtanni zan khan Chennai-a state legislative assembly-in kum 100 a tlin lawmna hun a hmanpui a. He hunah hian assembly building-a dah tur, chief minister hlui, DMK president ni bawk, M. Karunanidhi-a thlalak chu a hawng bawk.
Chennai-a Tamil Nadu Assembly-in kum 100 a tlin lawmna pual hian khawpui pawh nasa taka chei a ni a. Kum 1921 khan Madras Legislative Council din thar chu a vawi khat nan an thukhawm a ni.
Kum 100 liam ta chhung hian thutlukna liantham tak tak siam a ni a, a chang chuan buai viau pawh a tawng nasa hle.
Kum 100 a tlin meuh chuan an hruaitu hlui thlalak tam tak tar a ni tawh a, M.Karunanidhi hian a belhchhah a. A lawmna inkhawm hi Governor Banwarilal Purohit chuan kaihruaiin Chief Minister Stalin pawh a tel bawk.
Nilaini hian president hian Nilgiris district, Wellington-a Defence Services Staff College-a training mekte a tlawh ang.