Hmeichhe I-Day football inelna ni hnihna Nilaini khan Lammualah khelh a ni a. Hrangbana College leh Govt. Aizawl College ten hnehna pawimawh an chang.
Inkhel hmasa zawkah Govt. Hrangbana College in 1-0 in Govt. Aizawl North College an hneh a. Lalfakpuii goal khung hnehna chan nan a tawk. Thawhlehni khan goal kua khungin an chak tawh a, point ruk hmu in hmahruaitu an ni mek.
Mizoram Under 17 team leh Pachhunga University te 1-1 in an inhnehtawk ve bawk.
Inkhel hnuhnung berah Govt. Aizawl College in second half a own goal an neih an chakpui a, 2-1in Govt. T Romana College lakah hnehna an chang.
Food, Civil Supplies & Consumer Affairs Women’s I-Day Football Tournament 2023
Govt. Hrangbana College 1-0 Govt. Aizawl North College
(Lalfakpuii 61′)
Mizoram Under 17 1-1 Pachhunga University College
(Esther Tinjoukim 70′) (Ng. Ngopawdi 6′)
Govt. Aizawl College 2-1 Govt. T. Romana College
(Lalhlimpuii 23′, Biakthansangi (OG) 52′) (Lalrinmuani 32′)
Vawiin inkhel tur:
10:30 AM Mizoram Under-17 vs Govt. Aizawl College
12:30 PM Govt. T. Romana College vs Govt. Aizawl North College
01:30 PM Govt. Hrangbana College vs Pachhunga University Colege