Aizawl : District and Sessions Judge, Aizawl Judicial District Vanlalenmawia’n nimin khan Serchhip a tlawh a, Serchhip District Court leh Serchhip District Jail te a enfiah.
Meeting hmasa zawkah The Mizoram Victims of Crime Compen- sation (Amendment) Scheme, 2016 in a sawi anga chhawmdawlna diltu case 10 chungchang ngaihtuah a ni a. Hemi chungchang ngaihtuahtu Committee ah hian District and Sessions Judge Vanlalenmawia Chairman a ni a, Serchhip Dist Legal Services Authority Member Secretary ni lai Josang- zeli Tlau chu Secretary a ni a, Serchhip DC, Serchhip SP, tlawmngai pawl hrang hrang MHIP, M- UP, YMA leh Serchhip Dist Consumers Union President te member an ni.
District and Sessions Judge Vanlalenmawia chuan The Mizoram Victims of Crime Compensation (Amendment) Scheme, 2016 sawifiahin he dan hnuaia chhawmdawlna dawn theih dan te, pawihkhawihna thlen ni atanga chhiara chhaw- mdawlna dil theih hun chhung te, chhawmdawlna sum leh pai dawn theih zat te a sawi.
He danin a tum ber chu mi tupawh misual kut tawrh avanga ram tui leilova an awmin emaw thihna an tawhin an ch- hungte hnenah chhawmdawlna pek a ni a, he ruahmannna hian pawng- sual tuar te a huam, a ti.
He meeting ah hian danin a sawi anga chhawmdawlna diltu mi 3 (POCSO hnuaiah 2, IPC Section 304A hnuaiah 1) te dilna chu a pawmsak a, 7 dang te erawh chu judgment a la chhuah loh avangin ngaihtuah that leh tur a ni.
Under Trial Review Committee chu District and Sessions Judge Vanlalenmawia kaihhruaina hnuaiah neih chhunzawm a ni a. Serchhip DC, Serchhip SP, tlaw- mngai pawl hrang hrang Serchhip District Consumers Union, MHIP, MUP leh YMA President te bakah District Jail Superintendent chu member an ni.
He Committee hian bailable case ni si, bail loh vanga jail a tang engzat nge awm tih te; charge sheet thehluh hun tawh, hun bithliaha thehluh hman loh avanga jail tan hun tur aia rei tang an awm em tih leh engzat nge chutiang mi chu awm tih te an thlir ho a. Serchhip District ah hian an chungthu rel mek (under trial prisoners) 40, mipa 34 leh hmeichhia 6 an awm a; court in thiam loh a chantir (convict) mi 25 an awm a ni.
Aizawl, Kolasib, Se- rchhip, Mamit leh Sai- tual Dist bialtu Dist and Sessions Judge hian Serchhip Dist Court a enfiah bakah Judicial Officers Quarters leh Serchhip Dist Jail a tlawh a. Chief Judicial Magistrate R. Malsawmdawngzuala, Civil Judge cum JMFC Serchhip Josangzeli Tlau, Civil Judge cum JMFC Aizawl HT Lalmawizuala leh mipawimawh dang ten an tawiawm a ni.