America ramah Lionel Messi-a’n duhthusam a bul a tanna chu a chhunzawm a. A team thar Inter Miami tan goal hnih khungin 3-1 in Orlando City lakah a chakpui.
Kum 36 mi Messi hian Leagues Cup-ah hnehna a chanpui avangin a team hi round of 16 a hruai thleng.
Miami hi Messi-a’n a zawm hma in a zawna vawi 11 chak lai an ni a, tunah erawh match thum a tel ve naah hnehna an chang vek a. Hetih chhung hian goal nga a khung tawh.
Barcelona tana a inkhelhpui thin Jordi Alba chu he inkhelah hian a vawikhatna atan inkhel ve bawkin minute 64-naah dah lut a ni.
Miami hian Texas-ah Pathianni hian FC Dallas an hmachhawn leh ang.