Aizawl: Hnahthiala District Sericulture office thar leh District Civil Supply office thar chu nimin khan bialtu South Tuipui MLA Dr R Lalthangliana’n a hawng.
Hnahthiala Horeb Lodge & Conference Centre-a office thar pahnih hawnna inkhawm neihah Dr R Lalthangliana chuan DCSO office pawimawh tak Hnahthial District a hawn belh a ni chu district tan hmasawnna ropui tak a nih thu a sawi a. Hnahthial district chu Sericulture-ah a hlawhtlinna hmun tur a nih thu a sawi.
Dr R Lalthangliana chuan Chief minister Zoramthanga kaihhruai sorkar thar chuan a sorkar atanga thla riat chhung lek (August 15, 2019) ah fuke kim takin a tipuitling nghal vek a, district thar neih chu a namai lo hle tih a sawi a. District thar hian a kentel hi a hrawl hlawm hle tih a sawi.
Hnahthial district tharah hian DLAO office, Horticulture, Agriculture, leh a dangte pawh an nei thar nual tawh a. District danga awm ve lo School of Agriculture Sciences, diploma zir theihna an nei tawh bawk a. DTO office thar pawh neih thuai an in beisei thu leh inthlan hma ngei hian district hospital thar pawh puitling tir an tum thu a sawi bawk
Sericulture office thar hawnna inkhawm hi C.Lalrosanga, Secretary, Sericulture Department in a kaihruai a, DCSO office hawnna inkhawm hi Teresy Vanlalhruaii, Secretary, FCS & CA in a kaihruai thung.