Aizawl: Mizorama IGNOU Study Centre-ah te skill development lam leh Hindi tawng zirna kalpui tum a nih thu IGNOU Pro Vice Chancellor Dr. Kiran Hazarika chuan Larsap Dr. Hari Babu Kambhampati a hrilh.
Dr. Kiran Hazarika hian nimin khan Raj Bhavan-ah Dr. Hari Babu Kambhampati hmu-in IGNOU building thar, Aizawl Regional Centre hawn a nih thute, IGNOU hnuaia hmalakna thar Mizorama zirlaite tana skill development lam leh thil tangkai tak tak zirna buatsaih tur leh, Mizoram IGNOU study centre hrang hrangah Hindi tawng zirtirna kalpui tum a nih thute sawiin larsap thlawpna a ngen nghal.
Larsap chuan Mizo thalaiten Hindi tawng thiam an duh thu leh an dodal loh thu a hrilh a. IGNOU kaltlanga skill development leh Hindi an thiam kawp chuan pawn lama hna zawnah pawh an hlawkpui ngei a rin thu a sawi.
Ningani khan Aizawl, Jodhpur, Rajkot leh Thiruvananthapuram-a IGNOU Regional Centre building tharrte chu Union Minister Dharmendrta Pradhan chuan virtual mode-in a hawng a, Mizoram Regional Office hi Selesih a awm a ni.