ZPM party Gen. Secretary Dr. KC Lalmalsawmzauva’n “Kan ram damkhawchhuahna tur chu Agriculture leh a kaihhn- awih (Agri & Allied Sector)-a hmalak a ni,” a ti.
Nimina ZPM party political session-ah he thu hi Dr. KC Lalmalsawmzauva chuan a sawi a. “ZPM hi Mizoram-ah kuthnathawk tute tana policy mumal nei awmchhun kan ni” tiin, “party thenkhat ten Agriculture buaipui chu a hlawk lo; ramchangkang te economy innghahna Agriculture a ni ngai lo ti mahse, heng mite hian In ban phun lovin a chung chih an tum a ni” a ti.
Dr. KC Lalmalsawmzauva chan “Ram changkang te nen inkhaikhin thei kan ni lo, kum za liamta ah khan keimahni ang tho a subsistence economy a bultan an ni,” a ti.
ZPM General Secretary chuan, “Rostow’s Development Model kan en chuan development stage mawngphah-traditional society tih leh a dawt chiah preconditions for take-off velah kan la awm leih leih chauh” a ti a. “Europe leh America te chu development stage vawr- tawp-ah an awm tawh a. Europe khu Tribal an ni ve tawh thin-Huns, Goths, Vikings, Celts, Saxons etc, keini pawh kum za nufa a ral leh chuan tribal identity kan nei tawh lo mai thei. Chuvangin, an ni nen inkhaikhin thei kan ni lo” a ti.
Surplus production a awm phawt loh chuan manufacturing industry a hlawhtling thei lo niin Dr. KC Lalmalsawmzauva chuan a sawi a. “Industry kan sawi hmain surplus product nei turin ZPM chuan Price Support nen thlai thlan bikah bul kan tan ve dawn leih leih chauh a ni,”a ti.
Dr. KC Lalmalsawmzauva chuan, “Khang an pawisa lo sem tawh zozai te khan thlai pakhat tal hi lo hlawhtlinpui tawh ni se, kan zia deuh tur” tiin, “Kum 35 state kan nih tawh hnu pawha hmingchherna tur pakhat pawh kan la neih loh avangin mi hnungah kawlek kan thai tha ve leh dawn a, a huphurhawm rualin a challenging hle bawk a ni” a ti.
“ZPM Agriculture and Allied Policy hian vote zawnna ringawt a kawk ve lo, vision leh tum mumal tak a nei a, chungte chu – Subsistence Economy atanga Market economy-a Mizoram luhpui kan tum a ni” Dr. KC Lalmalsawmzauva chuan a ti a. “Chumi tihlawhthling tur chuan Shifting cultivation atangin-Parmanent farming-ah luh kan tum” tiin, “Chumi a hlawhtlin theih nan chuan Cluster approach/Integrated farming-Zau policy-Phaiah leh Zo-ah kalpui kan tum” a ti.
Dr. KC Lalmalsawmzauva chuan “He Zau ah hian consolidation of land holding kalpui kal pui kan tum, a awlsam viau lovang, mahse, kan tih a ngai. Zau-a kan luhpui chu- an – Tui, kawng, electric, solar, leh farm mechanization awlsam zawkin kan kalpui thei ang. Zau-ah chuan contract farming kal- pui a awlsam tawh anga, Collection Centre leh Warehouse te pawh dah a awlsam bawk ang a, chuta tang chuan agro-based/ horti-based industry kan din thei dawn a ni,” a ti.
“Mizo Nu/Pa tam takin long-term plan leh vision mumal kan neih loh na chhan chu kan thingtlang lo neih (shifting cultivation) vang a ni” Dr. KC Lalmalsawmzauva chuan a ti a. “Kan plan leh vision in kum khat bak a pel hlei thei lo; Kum khat daih thlam kan saa, kum khat daih chang kan khama, kumina kan tuh kumin veka seng thin kan ni” a ti.
“Mizo te kan rilru a hmanhmawh em em a; dawhtheihna kan tlakcham fo thin ni. Long-term vision kan neih theih nan Permanent farming-ah kan luh a ngai. Chu chu kan hnam damna tur leh kan Policy Laimu innghahna a ni. A pawng a puia vote zawn nan Thlai thar lei ngawt kan nilo, Economic benefit bakah socio-cultural benefit nasa tak awm tur hi kan vision a ni,” Dr. KC Lalmalsawmzauva chuan a ti bawk.