Kristian pachal Johnny Lever-a’n a nun hnarkaitu hrechiang hle. Film 300 chuanga inlan tawh Johnny Lever tan lemchan khawvela inlan hi a tuina ber a ni lova, Kristian a nihna angin thlarau lam thilah pawh a tui a, a nun kaiharhtu thil thleng chu sawi nuam a ti thin hle.
Bollywood-in comedian a cherchhuah zingah mite hriahthlawh ber tihngam hi sermon lamah pawh a duai lo. Kristian tha tak a ni.
“Pathian thu a ni a, sakhawmi tak ka ni thin. Mahse, thil thleng pakhat chuan ka nun pum a sawi danglam chiang hle. Ka fapa hi cancer vanga enkawl a ni a, tihtheih ka nei lova, Pathian tanpuina dil tawp kha ka theih awmchhun a ni ringawt tawh. Film chan ka chawlhsan a, atan ka hun pum chu tawngtainan ka hmang. Ni 10 a liam hnu ah chuan test kalpui leh a ni a, mak tak maiin cancer chu lakbo a ni ta. Doctor te pawh a mangang a, a ngaihna an hre lo hle. Kha thil thleng kha nun thar ka neihna bul intanna chu a ni,” tiin hun kal tawha a nunpum hruai chhuaktu a thil tawn a sawi.
Johnny Lever hian tunhma zawng aiin Bible a ngaina thar lehzual a, sermon pawh a thlak ve fo.
“Roman Catholic chhungkuaa piang leh seilian ka ni na a, tih tak taka Bible chhiar kha ka nei ngai meuh lo. Tunah erawh chuan, thinlung leh tih tak zetin ka chhiar chhuak tawh. Mi thianghlim anga inchhal a, chapo thei ka ni lo na a, mahse tawngtaina hian thil mak tak tak a thlen fo tih ka hria,” a ti bawk.