Aizawl: Mizoram State Legal Services Authority chuan nimin khan Pachhunga Unversity College Seminar Hall, Aizawl-ah ND&PS Act chungchang zirhona, Sensitization Programme on ND&PS a buatsaih.
He huna khuallian Gauhati High Court Judge, Mizoram State Legal Services Authority Chairman ni bawk Michael Zothankhuma chuan Mizoram-ah ruihhlo-in bu a khuar mek a, ruihhlo avangin thalai tam takin harsatna tawkin ram hmasawnna hna thawk tur thalai tam tak Home hrang hrangah leh Jail-ah te khung bo in an awm tih a sawi a, hemi avang hian ruihhlo chu theihtawpa do tlat a ngai a, ruihhlo bawia tang mekte chhanchhuah kawngah theih tawp chhuah a tul bakah a la ti ve loten ruihhlo bawiha an luh lohna turin tran lak a ngai hle tih a sawi.
Michael Zothankhuma chuan a kum telin Mizoramah ruihhlo man a pung chho zel tih sawiin, kumin 2018 atanga kumin July thla chhungin ruihhlo kaihhnawihah mi 3954 chu manin thubuai siam sak an nih thute, kuminah thla 7 chhungin Mizoramahj heroin kg 95.683 zet man a nih tawh thu a sawi bawk.
ND&PS Act chungchang zirhona hunah hian PUC Principal Prof. H. Lalthanzara’n thu a sawi bakah Resource person Dr. Chawnglungmuana chuan ruihhlo ti tawh te chhanchhuahna kawnga hma lak dan tur leh a enkawl zel dan tur te, , ruihtheih thil tih that loh zia, ruihhloin mihring nun a nghawng dan te, ti lo tura lo inven dan te, ruihhlo ngaite enkawl dan chungchang a sawi a ni.