Ei in semchhuak thian company lar Zomato-i’n Hrithik Roshan inlanna fakna chungchangaih ngaihdam dilna an tichhuak.
‘Mahakal Ki Thali’ fakna hi Ujjain Mahakalseshwar temple-a puithiamte’n an helh hle a, an pawmzam thei lo. Hrithik-a’n, “Thleng (plate) atan rilru ka siam fel tawh a. Ujjain-ah i awm chuan Mahakal atanga i chah a ngai ang,” a ti a ni.
He fakna thilah Mahakaleshwar temple puithiam Mahesh chuan Hindu rilru a ti na thei hle nia sawiin, “Mahakaal hi kan pathian biak a ni a, Mahakall hi tirhkah a ni lova, ei tur a sem kual ngai hek lo. Faknaa Mahakal temple tihlan a nih dan hi lakkawi theih a tlat. Hindu society hi dawhthei tak a ni a, tharum a hmang ngai lo. Community dang ni ta ang se, he company hi an hal ral fai vek tawh ang,” a ti.
Zomato hian rang taka ngaihdam dilna thuchhuah siam nghalin, khawpui lian tina tualchhung restaurant lar te thurchhuahna a ni deuh mai a, ‘Mahakal Restaurant’ nia tarlan hi Shree Mahakaleshwar Temple sawina a ni lo, tiin an sawifiah nghal bawk.